Харитаи хотираи Душанбе

Харитаи Хотира — як лоиҳаи бойгонист, ки ба омӯзиши хотираи ҷамъии Душанбе нигаронида шудааст. Дар меҳвари он хотираву қиссаҳои худи сокинони пойтахт қарор доранд. Мо ин шаҳодатҳоро бодиққат ҷамъоварӣ ва ҳифз намуда, тавассути бойгонии кушодаи онлайн дар дастрасии умум мегузорем.

Ин лоиҳа даъвои онро надорад, ки симои ягона ё ниҳоии шаҳрро пешкаш кунад. Баръакс, он бо хотира ҳамчун як шакли дониши инфиродӣ ва пароканда кор мебарад. Ҳадафи мо сохтани як низоми зинда аст, то симои тағйирёбанда ва зудгузари Душанбе аз рӯйи хотираҳо бозсозӣ ва ҳифз гардад ва аз насл ба насл интиқол ёбад.

Нақшаи шаҳри Душанбе, 1983

Тугмаи поёнро пахш кунед ва шаклро пур намоед, то дар ҳифзи хотираи ҷамъиятӣ саҳм гузоред — дар давоми чанд рӯз шумо метавонед хотираи худро дар харита бинед.

* * * * * * * * * * *

Харита якчанд категорияи гуногуни шаҳодатҳоро дар бар мегирад.

Баъзеи онҳо ба маконҳои мавҷудаи шаҳр вобастаанд, дигарҳо ба ҷойҳои аз байн рафта дахл доранд.
Баъзе хотираҳо ба асри XXI тааллуқ доранд, дигарҳо ба асри XX.

Нашрияи таҷрибавӣ, ки фазои бойгонии онлайнро фарохтар намуда, раванди шаклёбии онро нишон медиҳад.

Дар шумораи нахустин маводди зерин ба табъ расидаанд:

• асарҳои рассомоне, ки бо хотираҳо ва маконҳои Душанбе пайванданд;
• матнҳои назариявӣ;
• қиссаҳо дар бораи ташаккул ва рушди бойгонии онлайнии Харитаи Хотира.

* * * * * * * * * * *